Shqiptarët e Moresë – nga Ledjan Zeqollari
Në librin “Moeurs, usages, costumes des Othomans : et abrégé de leur histoire” të arkitektit francez Antoine-Laurent Castellan (1772–1838) i cili është publikuar në Paris në vitin 1812, në faqet 105-106, autori flet për shqiptarët e Moresë. Ndër të tjera ai shkruan:
“Shqiptarët me kënaqësi lënë vendin e tyre për të shkuar të jetojnë në vende të tjera dhe atje përpiqen të ndërtojnë të ardhmen. I shohim në të gjitha brigjet e Mesdheut dhe Adriatikut, në disa ishuj, madje edhe në brigjet lindore të Italisë. Veshja e tyre është shumë e larmishme.
Ajo që ne ofrojmë në figurën bashkëngjitur (*autori këtu e ka fjalën për figurën e mëposhtme) është vizatuar në More dhe mund të përcaktojmë edhe saktësinë e saj; sepse patëm vizatuar veçmas pjesët e ndryshme të veshjes, e cila është shumë piktoreske dhe mbi të gjitha ofron ngjashmëri me kostumin e lashtë.”
Sipas arkivit të Bibliotekës së Universitetit Brigham Young që ndodhet në Provo të Jutas, SHBA./Naishtedikur.com/