Categories
Kulture

Itali/ Shkrimtari shqiptar e nis vitin me dy çmime

Shkrimtari ri shqiptar në Itali Klaudio Findiku e ka nisur vitin 2022 me dy çmime të rëndësishme, jo si shkrimtar por në një tjetër formë shprehës pikturën Në edicionin pestë të çmimeve ndërkombëtare të letërsisë “Vita Via Est” ai është shpërblyer me vendin e dytë për krijimin tij në pikturë “Dolomitet e dashur” me motivacionin:

“Një nga liqenet më të bukur në Trentino rrjedh nga një stil pothuajse naiv. Linjat e theksuara mirë, ngjyrat e theksuara, lënë gjurmë te vëzhguesi, pavarësisht qetësisë, ky është një vend i farkëtuar nga legjendat, një vend i zhytur në histori, i cili ishte mjedisi në fund të Luftës së Dytë Botërore. Këto linja intensive, ngjyrat kanë për qëllim të nënkuptojnë pikërisht atë, forcën që mund të jetë tek të gjithë në fund të një beteje.

Si dhe me çmimin e tretë për pikturën “Venus my way”, me motivacionin “Teknika e pikturës është e jashtëzakonshme, perspektiva është e shkëlqyer. Një imazh delikat, imazhi i kësaj Venusi me sy depërtues, një teknikë jo e lehtë për t’u zbatuar, pothuajse duket se vëzhgon personin që e admiron, çfarë do të dëshirojë të komunikojë, Ai theksohet nga loja e ngjyrave, nga kiaroskuro, nga kontrastet e forta që, pavarësisht gjithçkaje, përzihen së bashku.

Ngjyra të stinëve të ndryshme, të cilat në unison na tregojnë, pa dalë jashtë mendjes, ajo, që është aty për të vëzhguar. Gjithçka përreth duket e qetë. Një qetësi përreth dhe një stuhi brenda do të thotë gjithçka, por nuk thotë asgjë”.

“Është pjesëmarrja ime e parë në një konkurs pikture, kjo për faktin se vetëm vitin e kaluar fillova të pikturoja, falë pandemisë që më bëri të njihja këtë botë të re të artit pas asaj të poezisë. Jam shumë i kënaqur me këtë konkurs dhe këtë mirënjohje që kam marrë, tha për Diaspora Shqiptare Findiku.

Konkursi u zhvillua në Catania dhe u organizua nga qendra e artit dhe poezisë “Luigi Bulla”./Diaspora Shqiptare/

error: Content is protected !!