Nga Simon Shkreli
Është 85 vjeç, i kthjellët dhe vital, i dashur dhe i gëzuar që për Krishtlindje ka vizitorë. Dhoma e tij ku zakonisht i pret miqtë është si një muze ku ka të ekspozuara me pikturat e tij. Piktori i afreskeve Pjerin Sheldija na tregon se e ka festuar dhe në komunizëm.
Pjerin Sheldija ka qenë 7 vjeç kur komunizmi u instalua në Shqipëri. Ikonat i kanë fshehur nëpër arka dhe vende të ndryshme të shtëpisë.
Ruan ende një libër të vogël lutjesh që ia kanë falur Jezuitët kur ishte fëmijë.
Piktori Pjerin Sheldija u dekorua nga Papa Benedikti i XVI me medaljen e artë “Për Kishën e për Papën”, pasi gjithë pas rënies së komunizmit ka pikturuar afreske në objektet e kultit.
Është ndoshta I vetmi piktor shqiptar, pikturat e të cilit ndodhen në koleksionet e tre Papëve të fundit./Abcnews.al/