Duket sikur Jennifer Lopez ka bërë pakt me djallin jo vetëm për të qenë në super formë ndonëse në të 50-tat, por edhe për të vazhduar të shkëlqejë në muzikë. Çdo këngë e saj kthehet menjëherë në hit dhe për këtë artistja duhet të falënderojë jo veç zërin e saj magjik, por edhe mamanë që e ka ndihmuar të jetë kjo që është sot.
Në një intervistë për kopertinën e revistës “Rolling Stone”, aktorja dhe këngëtarja e njohur është treguar e hapur duke rrëfyer detaje nga jeta familjare dhe se si marrëdhënia me mamanë e saj, Guadalupe Rodriguez e përgatiti atë për të ardhmen në industrinë e muzikës.
“Shikoni, mamaja ime ka qenë e hatashme. Ia dola mbanë t’i mbijetoj disa situatave në këtë industri vetëm sepse mamaja ime ishte e fortë. Unë nuk mendoja se ajo e dinte se për çfarë po më përgatiste, por në të vërtetë ajo e dinte.”-u shpreh ajo./Living
