Categories
Kuriozitete

Venezuela thyen rekordin e “Guinness”

Sistemi Kombëtar i Orkestrave të Rinisë dhe Fëmijëve të Venezuelës ka vendosur një rekord të ri “Guinness” për orkestrën më të madhe në botë me një numër prej gjithsej 8 mijë e 573 muzikantësh që luajnë së bashku. Muzikantët, nga mosha 12 deri në 77 vjeç, provuan rekordin gjatë një koncerti me motive patriotike në një akademi ushtarake në kryeqytetin e Karakasit.

Për të vendosur rekordin, duheshin numëruar më shumë se 8 mijë e 97 muzikantë, duke luajtur në të njëjtën kohë gjatë një periudhe pesë minutëshe të pjesës së Çajkovskit, për të mposhtur rekordin e vitit 2019 të vendosur nga Rusia.

Rrjeti i orkestrave – i njohur si “El Sistema” ose “The System” – mblodhi rreth 12 mijë muzikantë për koncertin, teksa më shumë se 250 mbikëqyrësve iu caktua secili një grup muzikantësh për të vëzhguar gjatë përpjekjes për regjistrim.

“El Sistema” numëron rreth 350 mijë fëmijë dhe të rinj në radhët e saj, duke luajtur në një rrjet prej 180 orkestrash.

Klan News

error: Content is protected !!